جهزنا الفطور
وافطرنا فطور سريع
بس تأخرنا شوي لاني كنت جالس اجهز التقرير
لكن للاسف كان الانترنت جداً جداً بطيء
تأخرت بالطلعة لحدود الساعه 12 بتوقيت النمسا
ومن كثر ما اسمع من عيالي
نبي بطة نبي بطة بطة بطة
بطة
بطة
كثر البطات
قررت اروح لحديقة حيوانات
ركبت السيارة
وبحثت عن اقرب حديقة حيوانات
كانت تبعد حوالي 43 كيلو
ومن مشوار المصفاة كل يوم
ما اعتبره مشوار
لكن بالنمسا غير
المشوار ينحسب بالساعه مو بالكيلو
الحديقة تبعد حوالي مسافة ساعه من الشقة
فتوكلت على الله
ووجهت وجهتي للحديقه
بعض الصور من الطريق
اعتبرها حديقة نموذجيه وصغيره وكافيه جداً
وهذي بعض الصور من الداخل
الخنزير الله يكرمكم ريحته كريهه وشكله وقح وعفن
ما ادري ليش يربونه
وفيه بعض الطيور بس ما قدرت اصورها
بعد ما انتهينا من الحديقه
فيه جلسه نهاية الحديقة مع العاب خفيفه للاطفال
جلسنا واستمتعنا مع الاطفال وما قصرت بنتي كل ما راح ولد يلعب قالت لا ما يلعب هذي لعبتي
واسمع الصياح
وكل ما قلنا لها اجلسي
قالت ادعس هنا (( يعني اجلس هنا ))
استمتعنا بوقتنا وشربنا قهوه
وبعض السناك
وتيسرنا رجوع للشقه
وكنت مخطط نمر على الطريق بمكان نجلس فيه
ونشرب قهوتنا العربيه
كانت الساعه حوالي 3 ونص بتوقيت النمسا
توقفنا على الطريق في مواقف بجانب نهر
مكان ممتاز وفيه جلسات رائعه
فنجال قهوه لزوم الكيف والمزاج
وبعض الفواكه النمساويه لزوم البطن
بعد هالجلسه الحلوه حوالي ساعه ونص
قررنا إكمال طريقنا للشقه
كان الطريق ممتع
غيوم و وجو بديع
وصلنا الشقه
تناولنا وجبة الغداء والعشاء معاً على البلكونه
طبعاً
باغلب دول أوروبا النهار أطول من الليل
يظلم الليل بعد الساعه 10 ونص بتوقيت السعوديه
قررنا الجلوس بالشقه
والاستمتاع بالاجواء
يعني شوية راحة
والحمدلله انتهى يومنا هذا بدون منغصات
مصاريف هذا اليوم :
موقف حديقة الحيوان : 1.20 يورو
دخول حديقة الحيوان : 20 يورو
قهوة وسناك : 6 يورو
مظلة ونظارة : 7.88 يورو
قهوة تشيبو الخاصه : 14.95 يورو
المجموع : 50.03
بالريال السعودي : 243 ريال
انتظروني لاحقاً